बच्चाहरूको स्क्रीन टाईम घटाऔँ, Hands-on क्रियाकलाप बढाऔँ।

अहिले बच्चाहरूको सम्पूर्ण पुस्ता स्मार्टफोन, ट्याब्लेटहरू, र अन्य इन्टरनेट सक्षम इलेक्ट्रॉनिक उपकरणहरूको साथ बढ्दैछ। यसका कारण धेरै अभिभावक चिन्तित छन्। त्यसैले हामी घरमै सजिलै गर्न सकिने पाँच सजिला hands-on क्रियाकलाप लिएर आएकाछौँ :

१. कागजको प्लेन र फिरफिरे:

आफ्ना नानीबाबुहरूलाइ कागजको प्रयोग गरेर विभिन्न प्रकारका प्लेन र फिरफिरे बनाउन दिनुहोस्। विभिन्न डिजाइन र उडान क्षमताका प्लेनहरू बनाउने प्रक्रियाहरू इन्टरनेटमा खोजेर पनि बनाउन सकिन्छ। कारखानाको वेबसाइटमा गएर पनि लुप ग्लाईडर कसरी बनाउने सिक्न सकिन्छ

यसबाट सिक्न सक्ने पाठहरू:

• गणितका कोणहरु र त्रिकोणहरूको प्रकार र नाप
• उडान सम्बन्धि सिद्धांतहरू
• चरा र माछाहरुको बिशेष आकार हुनुको पछाडीका कारणहरू

२. कार्ड र डाइस प्रयोग गरेर गणितका खेलहरू:

विभिन्न खेल्ने कार्ड र लुडोको डाइस प्रयोग गरेर गणितका खेलहरु खेल्न सकिन्छ। गुणन फल (Multiplication table) याद गर्ने पनि खेलहरु खेल्न सकिन्छ।

• जोड घटाउ का खेलहरू
• गुणन फल सम्बन्धि खेलहरु
• Fraction संग सम्बन्धित खेलहरू

https://www.weareteachers.com/math-card-games/

३. पाँच इन्द्रिय खेल:

यो सजिलो र धेरै समान प्रयोग नहुने तर रमाइलो क्रियाकलाप हो। नानीबाबुहरूलाइ घरभरि घुमेर आफ्ना पाँच इन्द्रियले महसुस (देखेको कुरा, सुघेको बास्ना, स्वाद लिनसक्ने कुरा, छोएर महसुस गरेको कुरा, सुनेको आवाज) गर्न सक्ने ४ ४ वटा बस्तुहरु खोज्न लागाउनुहोस् र सो वस्तुहरुको नाम कापीमा लेखेर ल्याउन लगाउनुहोस्। यसलाई विभिन्न पाठमा प्रयोग गर्न सकिन्छ।

• गणितमा गणना गर्न र समूह बनाउन
• बिज्ञानमा इन्द्रियहरूको बारे बुझ्न र बस्तुहरुलाई विभिन्न प्रकारमा विभाजन गर्न
• भाषामा आफुले महसुस गरेका अनुभवलाई ब्यक्त गर्न, विभिन्न नाम, र विशेषणहरु बुझ्न
• सामाजिक शिक्षामा आफ्नो वरिपरिको बातावरणको बारेमा बुझ्न

४. अन्तर्वार्ता लिने:

नानीबाबुहरूलाई आफैले प्रश्नहरु बनाएर घरका सदस्यको अन्तर्वार्ता लिन लगाउनुहोस र सो अन्तर्वार्ताको बारेमा प्रस्तुति दिन लगाउनुहोस्। यो सरल तथा रमाइलो क्रियाकलापबाट उनीहरुको र घरका सदस्यको सम्बन्ध झनै गाढा हुन्छ भने उनीहरुले विभिन्न सिप प्रयोग पनि गर्छन।

• भाषा अध्ययनमा आफ्ना प्रश्नहरु तयार गरेर अन्तर्वार्ता लिएर त्यसको प्रस्तुति दिन
• सामाजिक शिक्षामा आफ्ना परिवारको सदस्यको जीवनशैलीको बारेमा बुझ्न

५. फोहोरबाट खेलौना:

घरमा भएका पुराना खेलौनाहरु र सकिएका ब्याट्री, रबर, पानीको बोतल जस्ता सामाग्री प्रयोग गरेर केहि सिर्जनशील बनाउने र आफुले बनाएको कुरालाई प्रस्तुत गर्ने। यो बनाउदा केही औजारहरूको प्रयोग गर्नुपर्ने खण्डमा सहयोग गरिदिनुहोला र उनीहरुले बनाएका कुरालाई सकारात्मक टिप्पणी दिएर हौसला दिनुहोला।

https://www.karkhana.asia/blogs/trash-to-cash-diy